Wayanad : కేరళలోని పర్వత ప్రాంతమైన వయనాడ్‌ (Wayanad) లో ప్రకృతి విపత్తు సంభవించింది. గత కొన్ని రోజులుగా కురుస్తున్న భారీ వర్షాల కారణంగా నిర్మాణంలో ఉన్న ఒక భూగర్భ టన్నెల్ (సురంగ మార్గం) సమీపంలో భారీగా కొండచరియలు విరిగిపడ్డాయి. కల్లాడిలోని మీనాక్షి వంతెనకు సమీపంలో మంగళవారం ఉదయం ఈ ప్రమాదం చోటుచేసుకుంది. కొండచరియల కింద చిక్కుకున్న కొంతమంది కార్మికులను సహాయక సిబ్బంది రక్షించారు. ఈ ఘోర ప్రమాదంలో అనేకమంది కార్మికులు, స్థానికులు శిథిలాల కింద చిక్కుకుపోవడంతో కేరళ యంత్రాంగం ఒక్కసారిగా ఉలిక్కిపడింది.

In the wake of the landslide near Meenakshi Bridge at Kalladi in #Wayanad, the government reviewed the situation. An emergency meeting was held with Agriculture Minister T. Siddique, who is from the district. Directions have been issued to coordinate rescue operations without…

— V D Satheesan (@vdsatheesan) July 7, 2026

వయనాడ్ జిల్లాలో కురుస్తున్న కుండపోత వర్షాల కారణంగా కొండ ప్రాంతాల్లోని మట్టి లూజ్ అయి, నిర్మాణంలో ఉన్న టన్నెల్ సైట్ వద్ద ఒక్కసారిగా విరిగిపడింది. భారీ బండరాళ్లు, బురద వచ్చి టన్నెల్ ముఖద్వారాన్ని, దాని పరిసరాలను పూర్తిగా ముంచెత్తాయి. ప్రమాదం జరిగిన సమయంలో అక్కడ పనుల్లో ఉన్న కార్మికులతో పాటు సమీపంలో ఉన్న కొందరు స్థానికులు కూడా బురద కింద చిక్కుకుపోయినట్లు తెలుస్తోంది.

Also Read : ప్రపంచ బ్యాంక్ తాజా ఆదాయ వర్గీకరణ …భారత్ కంటే శ్రీలంక గ్రేట్‌..మెరుగ్గా వియత్నం, ఫిలిప్పీన్స్..

శిథిలాల కింద 30 నుండి 50 మంది?

ప్రస్తుతం అందుతున్న ప్రాథమిక సమాచారం ప్రకారం.. ఈ శిథిలాల కింద దాదాపు 30 నుండి 50 మంది వరకు చిక్కుకుని ఉండవచ్చని అధికారులు బలంగా అనుమానిస్తున్నారు. వీరిలో ఎక్కువమంది ఇతర రాష్ట్రాలకు చెందిన వలస కార్మికులే ఉన్నట్లు సమాచారం. అయితే, ప్రమాదం జరిగిన సమయంలో ఖచ్చితంగా ఎంతమంది అక్కడ ఉన్నారనే దానిపై అధికారికంగా లెక్కలు సేకరిస్తున్నారు. ఘటనపై సమాచారం అందుకున్న వెంటనే కేరళ ప్రభుత్వం, జిల్లా యంత్రాంగం అప్రమత్తమయ్యాయి. సహాయక చర్యల కోసం ప్రత్యేక బృందాలు రంగంలోకి దిగాయి:

జాతీయ విపత్తు ప్రతిస్పందన దళం (NDRF) బృందాలతో పాటు స్థానిక అగ్నిమాపక, విపత్తు నిర్వహణ సిబ్బంది ఘటనా స్థలానికి చేరుకుని సహాయక చర్యలు ప్రారంభించారు. ఘటనా స్థలంలో ఎడతెరిపి లేకుండా కురుస్తున్న భారీ వర్షం, మోకాళ్లకు పైగా పేరుకుపోయిన బురద కారణంగా సహాయక చర్యలకు తీవ్ర అంతరాయం కలుగుతోంది. భారీ యంత్రాలను (JCBలు) అక్కడికి తరలించడం కష్టతరంగా మారింది.

ఈ ఘోర విపత్తు నేపథ్యంలో కేరళ సీఎం వి.డి. సతీశన్ (V.D. Satheesan) అత్యవసర సమావేశాన్ని నిర్వహించారు. వయనాడ్ ప్రాంత ప్రజాప్రతినిధులు, ఉన్నతాధికారులతో మాట్లాడి పరిస్థితిని సమీక్షించారు.బాధితులను రక్షించడానికి సైన్యం (Army) లేదా అదనపు ప్రత్యేక దళాల సహాయాన్ని కూడా తీసుకోవాలని, తక్షణమే ఎయిర్ లిఫ్టింగ్ లేదా అధునాతన రెస్క్యూ పరికరాలను రప్పించాలని ఆయన ప్రభుత్వానికి విజ్ఞప్తి చేశారు. అలాగే బాధితుల కుటుంబాలకు తగిన సహాయం అందించాలని డిమాండ్ చేశారు.ప్రస్తుతం క్షేత్రస్థాయిలో రెస్క్యూ ఆపరేషన్ ముమ్మరంగా సాగుతోంది. మరిన్ని వివరాలు తెలియాల్సి ఉంది.

Also Read : జూలై 17న పట్టాలెక్కనున్న దేశంలోనే తొలి హైడ్రోజన్ రైలు.. దీని ప్రత్యేకతలివే…