Gurugram : గురుగ్రామ్‌లో జరిగిన రోడ్డు ప్రమాదంపై ప్రముఖ సిగర్ గాయని సియా సోషల్ మీడియా వేదికగా తీవ్ర ఆందోళన వ్యక్తం చేశారు. రోడ్లపై ఇతరుల ప్రాణాలను ప్రమాదంలోకి నెట్టివేసి, యాక్సిడెంట్ చేసిన తర్వాత అక్కడి నుంచి పారిపోయే డ్రైవర్లపై గురుగ్రామ్ పోలీసులు కఠినమైన చర్యలు తీసుకోవాలని ఆమె తన వీడియో ద్వారా గట్టిగా డిమాండ్ చేశారు.
ఈ వీడియోలో సియా ఆ కారుకు సంబంధించిన రిజిస్ట్రేషన్ నంబర్‌తో పాటు, ఆ వాహనం ఎవరి పేరు మీద రిజిస్టర్ అయిందో ఆ ఆర్సీ ఓనర్ పేరును కూడా స్పష్టంగా ప్రస్తావించారు. బాధ్యులపై తక్షణమే చట్టపరమైన చర్యలు ఉండాలని ఆమె కోరారు.
ఈ వీడియో సోషల్ మీడియాలో క్షణాల్లోనే విపరీతంగా వైరల్ అయింది. దీనికి నెటిజన్ల నుంచి విపరీతమైన మద్దతు లభించింది. చాలా మంది సోషల్ మీడియా యూజర్లు ఢిల్లీ పోలీసులు, గురుగ్రామ్ పోలీసులు, గురుగ్రామ్ ట్రాఫిక్ పోలీసులు అలాగే హర్యానా పోలీసులను ట్యాగ్ చేస్తూ, ఆ డ్రైవర్‌పై వెంటనే కఠిన చర్యలు తీసుకోవాలని కోరారు.
ఈ ఘటనపై వెంటనే ఎఫ్ఐఆర్ నమోదు చేయాలని పలువురు యూజర్లు గట్టిగా డిమాండ్ చేశారు. మరికొందరైతే నగరంలో పెరుగుతున్న రోడ్డు భద్రతా సమస్యల గురించి, విపరీతమైన రాష్ డ్రైవింగ్ తీరు గురించి తీవ్ర ఆందోళన వ్యక్తం చేశారు.
