
2004లో కాంగ్రెస్ పార్టీ అధికారంలోకి వచ్చాక, చేతిదాకా వచ్చిన ప్రధాని పదవిని సోనియా గాంధీ(Sonia Gandhi) ఎందుకు వద్దనుకున్నారు? దాదాపు ఇరవై ఏళ్ల కిందట దేశ రాజకీయాల్లో పెను సంచలనం సృష్టించిన ఆ డెసిషన్ వెనుక ఉన్న అసలు కారణాలను ఆమె తాజాగా వెల్లడించారు. సోనియా గాంధీ రాసిన ఆత్మకథ ‘బిలాంగింగ్: ఎ జర్నీ ఆఫ్ లవ్’ మంగళవారం విడుదలైంది. అందులో తన ఫ్యామిలీ, పర్సనల్ లైఫ్ సంఘటనలతో పాటు, నాటి హై-డ్రామా పరిస్థితులను ఆమె పూసగుచ్చినట్లు వివరించారు.
నిజానికి 2004 ఎన్నికలు జరగడానికి చాలా నెలల ముందే ప్రైమ్ మినిస్టర్ పోస్ట్ తీసుకోకూడదని సోనియా ఫిక్స్ అయ్యారు. ‘‘మా అత్తగారు ఇందిరాగాంధీ, భర్త రాజీవ్ గాంధీ హత్యలను కళ్లారా చూసిన తర్వాత.. నేను పీఎం కావడాన్ని రాహుల్, ప్రియాంక తీవ్రంగా వ్యతిరేకించారు. ఆ పొజిషన్ మా ఫ్యామిలీ సేఫ్టీకి పెను ప్రమాదమని వారు భయపడ్డారు. అయితే ఎలక్షన్స్ టైమ్లో పార్టీ ఐక్యత దెబ్బతినకూడదనే ఉద్దేశంతో నా ఆలోచనను ఎవరికీ చెప్పలేదు’’ అని పేర్కొన్నారు. ఫలితాలు వచ్చి ప్రభుత్వం ఏర్పాటు చేసే టైమ్లో కూటమి లీడర్లంతా ఇంటికి వచ్చి ఒత్తిడి చేయడంతో మొదట తప్పక ‘సరే’ అనాల్సి వచ్చిందని గుర్తుచేసుకున్నారు.
Also Read : వాట్సాప్లో అదిరిపోయే ఫీచర్.. బ్లూ టిక్స్ పడకుండానే మెసేజ్ చదవచ్చు.. ఎలాగంటే?
ఆ రాత్రి జరిగిన మైండ్ వార్!
ఆ నిర్ణయం తెలిశాక ప్రియాంక, రాహుల్ తీవ్ర ఆందోళనకు గురయ్యారని సోనియా రాసుకొచ్చారు. ‘‘ఆ రోజు రాత్రి నా మనసులో ఎమోషనల్ వార్ నడిచింది. నేను పీఎం అయితే నా విదేశీ మూలాలు వివాదాన్ని తెరపైకి తెచ్చి దేశాన్ని అశాంతిలోకి నెడతారని తెలుసు. అదే సమయంలో నన్ను ఆదరించిన ప్రజల నమ్మకాన్ని వదిలేసి బాధ్యతల నుంచి ఎలా పారిపోతావని నా మైండ్ హెచ్చరించింది. రాజీవ్ పక్కనుంటే బాగుండు అనిపించింది. చివరకు నా అంతరాత్మ చెప్పిన మాటే వినాలని స్ట్రాంగ్ డెసిషన్ తీసుకున్నా’’ అని తెలిపారు.
Also Read : షాకింగ్ న్యూస్.. విడాకులు ప్రకటించిన పవన్ కల్యాణ్, అన్నా కొణిదెల.. అసలు ఏం జరిగింది?
మన్మోహన్ సింగ్ ఎంపిక అందుకే!
మరుసటి రోజు జరిగిన కాంగ్రెస్ పార్లమెంటరీ పార్టీ మీటింగ్లో తన నిర్ణయాన్ని తేల్చిచెప్పిన సోనియా.. ప్రధానిగా డాక్టర్ మన్మోహన్ సింగ్ పేరును తెరపైకి తెచ్చారు. ప్రభుత్వ పాలనలో అపార అనుభవం ఉండటం, పార్టీలోని ఏ గ్రూపుకూ చెందకుండా న్యూట్రల్గా ఉండటం వల్లే ఆయన పేరును ప్రపోజ్ చేసినట్లు చెప్పారు. బయటి నుంచి సపోర్ట్ ఇస్తున్న లెఫ్ట్ పార్టీలు కూడా ఆయనకు మద్దతు ఇస్తాయని భావించానని, దేశం ఆయన చేతుల్లో పూర్తి సురక్షితంగా ఉంటుందనే నమ్మకంతోనే ఆ బాధ్యతలు అప్పగించానని సోనియా స్పష్టం చేశారు.









