Brahmos : సౌత్ చైనా సముద్ర ప్రాంతంలో తన దూకుడుతో పొరుగు దేశాలను భయపెడుతున్న చైనాకు గట్టి కౌంటర్ ఇచ్చేందుకు ఫిలిప్పీన్స్ సిద్ధమైంది. డ్రాగన్ ఆధిపత్యానికి చెక్ పెట్టే లక్ష్యంతో ప్రపంచంలోనే అత్యంత శక్తివంతమైన భారత సూపర్ సోనిక్ క్రూయిజ్ మిస్సైల్ ‘బ్రహ్మోస్’ కోసం భారీ డీల్ కుదుర్చుకుంటోంది. దాదాపు రూ.7,100 కోట్ల (800 మిలియన్ డాలర్లు) వ్యయంతో 60 అత్యాధునిక మిస్సైళ్లు, 5 లేటెస్ట్ లాంచ్ సిస్టమ్స్ కొనుగోలుకు భారత్-ఫిలిప్పీన్స్ మధ్య చర్చలు తుది దశకు చేరాయి.
Also Read : అమెరికాలో డెమోక్రాట్ల మాస్టర్ ప్లాన్.. అధ్యక్ష పదవి నుంచి ట్రంప్ ఔట్!
డీల్ ముఖ్యాంశాలు:
రెండో విడత కొనుగోళ్లు: 2022లో మొదటిసారి 375 మిలియన్ డాలర్లతో బ్రహ్మోస్ను కొనుగోలు చేసిన ఫిలిప్పీన్స్, తాజా డీల్తో తన కోస్టల్ డిఫెన్స్ను మరింత పటిష్టం చేసుకుంటోంది.
ప్రత్యేక మార్పులు: గత డీల్ కంటే రెండింతలు పెద్దదైన ఈ అగ్రిమెంట్లో ఫిలిప్పీన్స్ ఆర్మీ ఆపరేషనల్ అవసరాలకు అనుగుణంగా ప్రత్యేక మోడిఫికేషన్లు చేయనున్నారు.
తిరుగులేని వేగం: భారత్-రష్యా సంయుక్తంగా అభివృద్ధి చేసిన ఈ క్షిపణి శబ్దం కంటే 3 రెట్ల వేగంతో (Mach 2.8 to 3) దూసుకెళ్తుంది. ప్రస్తుతానికి దీనిని గాల్లో అడ్డుకోవడం ఏ శత్రు రాడార్ లేదా ఎయిర్ డిఫెన్స్ సిస్టమ్కూ సాధ్యం కాదు. సముద్రంలో భారీ యుద్ధనౌకలను, శత్రువుల బంకర్లను క్షణాల్లో నేలమట్టం చేసే అక్యురసీ దీని సొంతం.
Also Read : లాస్ ఏంజెల్స్ మేయర్గా కేరళ మహిళ.. నిత్య రామన్ సరికొత్త చరిత్ర
ఒకప్పుడు ఆయుధాల ఇంపోర్ట్స్ పై ఆధారపడిన భారత్, ఇప్పుడు గ్లోబల్ డిఫెన్స్ ఎక్స్పోర్ట్స్లో సరికొత్త రికార్డులను నమోదు చేస్తోంది. 2025-26 ఆర్థిక సంవత్సరంలో మన రక్షణ ఎగుమతులు 62 శాతం వృద్ధితో రూ.38,424 కోట్ల చారిత్రక మార్కును తాకాయి. ఫిలిప్పీన్స్తో పాటు ఇండోనేషియా, వియత్నాంలు కూడా బ్రహ్మోస్ ఒప్పందాలు ఖరారు చేసుకోగా, యూఏఈ, థాయ్లాండ్, బ్రెజిల్ వంటి దేశాలు సైతం భారత్ వైపు చూస్తున్నాయి. సౌత్ చైనా సీని తన సొంత ఇలాకాగా భావిస్తున్న బీజింగ్కు ఫిలిప్పీన్స్ మోహరిస్తున్న బ్రహ్మోస్ మిస్సైళ్లు సరికొత్త సింహస్వప్నంగా మారనున్నాయి.