
BSF Jawan: భారత్-బంగ్లాదేశ్ సరిహద్దులో మంగళవారం మధ్యాహ్నం చోటుచేసుకున్న ఒక అనూహ్య ఘటన కాసేపు తీవ్ర ఉద్రిక్తతకు దారితీసింది. విధి నిర్వహణలో భాగంగా పెట్రోలింగ్ నిర్వహిస్తున్న భారత సరిహద్దు భద్రతా దళం కానిస్టేబుల్, పొరపాటున అంతర్జాతీయ సరిహద్దును దాటి బంగ్లాదేశ్ భూభాగంలోకి ప్రవేశించారు. దీంతో బంగ్లాదేశ్ సరిహద్దు దళం (BGB) ఆ జవాన్ను అదుపులోకి తీసుకోగా, ఇరు దేశాల అధికారుల మధ్య జరిగిన చర్చల ఫలితంగా దాదాపు 5 గంటల తర్వాత ఆయన సురక్షితంగా భారత్కు తిరిగి వచ్చారు.
అసలేం జరిగింది?
మేఘాలయలోని వెస్ట్ జైంతియా హిల్స్ జిల్లా, జోవాయి సెక్టార్ పరిధిలో మంగళవారం మధ్యాహ్నం 12:30 గంటల సమయంలో ఈ ఘటన జరిగింది. ఈ ప్రాంతానికి సరిగ్గా ఎదురుగా బంగ్లాదేశ్లోని సిల్హెట్ జిల్లా, గోవాయిన్ఘాట్ ఉపజిల్లా పరిధిలోని బిచానకండి టూరిస్ట్ స్పాట్ ఉంది. ఇక్కడ సరిహద్దుకు ఇంకా ఫెన్సింగ్ వేయకపోవడం, ఇరు దేశాల పర్యాటకులు, స్థానికుల రాకపోకలు ఎక్కువగా ఉండటంతో ఆ జవాన్ పొరపాటున బంగ్లాదేశ్ వైపు వెళ్లినట్లు తెలుస్తోంది.
BSF JAWAN DETAINED BY BANGLADESH BORDER GUARDS AFTER ACCIDENTALLY CROSSING BORDER; RETURNS SAFELY
A BSF jawan mistakenly crossed into Bangladesh through an unfenced stretch of the Dawki sector in Meghalaya and was detained by BGB personnel.
As per BSF officials the jawan was safely brought back to India following talks between the two border forces.
———-
How did an armed Indian soldier end up in Bangladeshi custody?
Operational failure or deliberate overreach?
India must demand answers and firm assurances this never happens again.
— Subodh Kumar (@kumarsubodh_) November 17, 2026
అదే సమయంలో అక్కడ గస్తీ తిరుగుతున్న బీజీబీ పెట్రోలింగ్ టీమ్ ఆ జవాన్ను గుర్తించి అదుపులోకి తీసుకుంది. ఘటన జరిగిన సమయంలో జవాన్ వద్ద ఇన్సాస్ (INSAS) రైఫిల్, పంప్-యాక్షన్ గన్, వాకీ-టాకీ ఉన్నాయి. ఈ ఘటనకు సంబంధించిన వీడియోలు సోషల్ మీడియాలో వైరల్ కావడంతో విషయం వెలుగులోకి వచ్చింది. ఆ వీడియోలలో ఇద్దరు బీజీబీ సిబ్బంది జవాన్ను ఒక స్థానికుడి బైక్పై బిచానకండి బోర్డర్ అవుట్పోస్ట్ క్యాంప్కు తీసుకెళ్లడం కనిపించింది. చుట్టూ చేరిన కొందరు స్థానికులు జవాన్పై దూషణలకు దిగగా, ఆయన తన వాకీ-టాకీలో “క్యూఆర్టీ పంపండి (QRT bhejo)” అంటూ క్విక్ రెస్పాన్స్ టీమ్కు సమాచారం ఇవ్వడం ఆ వీడియోలో రికార్డయింది.
ఫ్లాగ్ మీటింగ్తో సుఖాంతం విషయం తెలిసిన వెంటనే బీఎస్ఎఫ్ ఉన్నతాధికారులు అప్రమత్తమయ్యారు. బంగ్లాదేశ్ అధికారులతో సంప్రదింపులు జరిపి, అత్యవసరంగా ‘ఫ్లాగ్ మీటింగ్’ (Flag Meeting) నిర్వహించారు. ఈ సమావేశంలో పొరపాటున సరిహద్దు దాటిన పరిస్థితులను వివరించి, అన్ని ఫార్మాలిటీస్ పూర్తి చేశారు. అనంతరం సిల్హెట్ బెటాలియన్ (48 BGB) కమాండింగ్ ఆఫీసర్ లెఫ్టినెంట్ కల్నల్ నూర్ ఉద్దీన్ అహ్మద్ ఆధ్వర్యంలో, బీజీబీ సిబ్బంది సాయంత్రానికి జవాన్ను లాంఛనంగా భారత అధికారులకు అప్పగించారు.
4,096 కిలోమీటర్ల పొడవైన భారత్-బంగ్లాదేశ్ సరిహద్దులో ఇలాంటి సున్నితమైన సమస్యను ఇరు దళాలు ఎంతో ప్రొఫెషనల్గా (Professional), చర్చల ద్వారా పరిష్కరించుకోవడం విశేషం. కాగా, పెట్రోలింగ్లో ఏమైనా లోపాలు జరిగాయా అనే కోణంలో బీఎస్ఎఫ్ అంతర్గత విచారణకు ఆదేశించింది.









