
అమెరికా 2026 మిడ్టర్మ్ ఎన్నికల్లో భారతీయ సంతతి ఓటర్లు పొలిటికల్ ప్రియారిటీని స్పష్టంగా చాటిచెప్పారు. వలస విధానాలు, పెరుగుతున్న జాతి వివక్ష, ట్రంప్ ప్రభుత్వ నిర్ణయాలు ఇండియన్ కమ్యూనిటీ ఓటింగ్ సరళిని గణనీయంగా ప్రభావితం చేశాయి. కార్నెగీ ఎండోమెంట్ – యూగోవ్ నిర్వహించిన తాజా సర్వే ప్రకారం, ఏకంగా 62 శాతం మంది భారతీయులు డెమోక్రాట్ల వైపు మొగ్గు చూపగా, కేవలం 19 శాతం మంది మాత్రమే రిపబ్లికన్లకు మద్దతు పలికారు.
Also Read : ఇజ్రాయెల్ పగ్గాలు ఐసెంకోట్ చేతికి వస్తే: ఇండియా పరిస్థితి ఏంటి?
రిపబ్లికన్లకు పడిపోయిన సపోర్ట్
ముఖ్యంగా ఇండియన్-అమెరికన్ పురుషుల్లో రిపబ్లికన్ పార్టీకి ఆదరణ భారీగా తగ్గింది. 40 ఏళ్లు పైబడిన పురుషుల్లో కేవలం 16 శాతం మందే రిపబ్లికన్లకు ఓటు వేస్తామని చెప్పారు; ఇది 2026 జనవరి నాటి 32 శాతంతో పోలిస్తే సగానికి పడిపోయింది. యువత (18-39 ఏళ్లు) విషయానికొస్తే, గతంలో డొనాల్డ్ ట్రంప్కు 40 శాతం మద్దతు లభించగా, ప్రస్తుతం అది 23 శాతానికి పరిమితమైంది. ట్రంప్ పనితీరుపై 71 శాతం మంది అసంతృప్తి వ్యక్తం చేశారు.
హెచ్-1బీ, సోషల్ మీడియా ద్వేషంపై ఆందోళన
ఈ మార్పునకు ప్రధాన కారణం వీసా, వలస విధానాలే. లీగల్ ఇమ్మిగ్రెంట్స్కు, అక్రమ వలసదారులకు తేడా చూపకుండా హెచ్-1బీ వీసాలపై ఆంక్షలు విధించడం, బహిష్కరణలు, ఇండియన్ ఐటీ కంపెనీలపై తనిఖీలు పెంచడం ఐటీ వర్గాల్లో తీవ్ర ఆందోళన కలిగించింది. మరోవైపు, సోషల్ మీడియాలో భారతీయులను లక్ష్యంగా చేసుకుని వస్తున్న రేసిస్ట్ పోస్టులు (48 శాతం మంది చూశామని తెలిపారు) కలవరపెడుతున్నాయి. సెప్టెంబర్ 2026లో డీహెచ్ఎస్ (DHS) వివాదాస్పద పోస్ట్ పెట్టడం దీనికి అద్దం పడుతోంది.
Also Read : 5వేల కోట్ల ఆస్తి వివాదం.. కోర్టు మెట్లెక్కిన మైఖేల్ జాక్సన్ కూతురు
ఎన్నికల ఫలితాల్లో డెమోక్రాట్ల హవా ఈ రాజకీయ మొగ్గు ఫలితాల్లోనూ స్పష్టంగా కనిపించింది. అత్యధికంగా భారతీయులు నివసించే టాప్ 100 కాంగ్రెషనల్ స్థానాల్లో డెమోక్రాట్లు ఏకంగా 84 సీట్లను గెలుచుకున్నారు. కాలిఫోర్నియా, న్యూయార్క్, న్యూజెర్సీ, ఇల్లినాయిస్, పెన్సిల్వేనియాలలో క్లీన్ స్వీప్ చేశారు. అత్యధిక ఇండియన్లు ఉన్న కాలిఫోర్నియా 17వ డిస్ట్రిక్ట్ నుంచి రో ఖన్నా ఆరోసారి ఘన విజయం సాధించారు. రిపబ్లికన్లు టెక్సాస్లో పట్టు నిలుపుకున్నప్పటికీ, దేశవ్యాప్తంగా ప్రతినిధుల సభ, సెనేట్ రెండింటినీ కోల్పోయారు.
ఇండియన్ ఓటు ఎందుకు కీలకం? యూఎస్ జనాభాలో ఇండియన్-అమెరికన్లు దాదాపు 1.5 శాతమే ఉన్నప్పటికీ, వారి ప్రభావం చాలా ఎక్కువ. 70 శాతానికి పైగా ఓటర్ టర్నౌట్ సాధించడంతో పాటు, అమెరికాలో అత్యధిక మీడియన్ గృహ ఆదాయం కలిగిన కమ్యూనిటీగా నిలిచారు. దేశ ఆదాయపు పన్నులో దాదాపు 5-6 శాతం (సుమారు $250-$300 బిలియన్లు) వీరిదే. కాలిఫోర్నియా, టెక్సాస్ వంటి రాష్ట్రాలతో పాటు కీలక స్వింగ్ స్టేట్స్లో వీరి ఓట్లు ఫలితాలను తారుమారు చేసే శక్తిగా మారాయి. రాబోయే రోజుల్లో వీరి ప్రాధాన్యతను విస్మరించడం ఏ పార్టీకీ సాధ్యం కాదు.









