Premayanam web series

ప్రేమ, భావోద్వేగాల కలయికలో తెరకెక్కిన ‘ప్రేమాయణం’ వెబ్‌ సిరీస్‌కు ప్రేక్షకుల నుంచి విశేష స్పందన లభిస్తోంది. అక్టోబర్‌ 23 నుంచి యూట్యూబ్‌లో స్ట్రీమింగ్‌ అవుతున్న ఈ వెబ్‌ సిరీస్‌ ప్రేక్షకులను విపరీతంగా ఆకట్టుకుంటోంది. అందమైన ప్రేమకథగా రూపొందిన ప్రేమాయణం ఎపిసోడ్ 1కు ఆదరణ లభిస్తుండటంతో చిత్ర బృందం సంతోషం వ్యక్తం చేస్తోంది. ఇటీవల విడుదలైన షార్ట్‌ ఫిల్మ్‌లలో ఒకటిగా ఈ ప్రేమకథ ప్రేక్షకుల దృష్టిని ఆకర్షిస్తోంది.

ప్రేమాయణం వెబ్‌ సిరీస్‌కు సూర్య మురపాక రచనతో పాటు దర్శకత్వం వహించారు. హర్షిణి పిక్చర్స్‌ బ్యానర్‌పై కె. హర్షిణి యాదవ్‌ ఈ సిరీస్‌ను నిర్మించారు. హరి సంగీతం అందించారు. ప్రధాన పాత్రల్లో పవన్‌, నైనిక అనసూయ నటించగా.. శ్రీలత, హరీశ్‌, కె. సంతోష్‌ తయ్యప్ప, దేవిక సహాయక పాత్రల్లో కనిపించారు. ప్రేమకథ నేపథ్యంలో రూపొందిన ఈ సిరీస్‌లో నటీనటుల ప్రదర్శన, కథనం, సంగీతం ప్రేక్షకులను ఆకట్టుకుంటున్నాయి. ముఖ్యంగా ప్రేమకథలను ఇష్టపడే ప్రేక్షకుల నుంచి ప్రేమాయణంకు మంచి ఆదరణ లభిస్తోంది.

Also Read : బ్రా లేకుండా.. షర్ట్ బటన్లు విప్పమన్నారు: నటి షాకింగ్ కామెంట్స్..!

యూట్యూబ్‌లో విడుదలైనప్పటి నుంచి ప్రేమాయణంకు వస్తున్న రెస్పాన్స్ చిత్ర బృందంలో ఉత్సాహాన్ని నింపుతోంది. తమ ప్రయత్నాన్ని ప్రేక్షకులు ఆదరిస్తుండటం పట్ల దర్శకుడు సూర్య మురపాక, నిర్మాత కె. హర్షిణి యాదవ్‌ సహా చిత్ర బృందం ఆనందం వ్యక్తం చేస్తోంది. చిన్న ప్రయత్నంగా ప్రారంభమైన ఈ ప్రేమకథకు మంచి స్పందన రావడం వెబ్‌ సిరీస్‌ బృందానికి ప్రోత్సాహాన్నిస్తోంది. ప్రేక్షకుల నుంచి లభిస్తున్న ఆదరణతో మరిన్ని మంచి కథలను అందించాలనే ఉత్సాహం చిత్ర బృందంలో కనిపిస్తోంది. ప్రేమాయణం వెబ్‌ సిరీస్‌ ఎపిసోడ్ 1ను యూట్యూబ్‌లో వీక్షించవచ్చు.

Also Read : ఆదర్శ కుటుంబం.. ఏపీ సర్కార్ గుడ్ న్యూస్!