PM Modi : ఇటీవల నాలుగు రాష్ట్రాల్లో జరిగిన ఎమ్మెల్సీ ఉపఎన్నికల్లో కాంగ్రెస్‌కు గట్టి ఎదురుదెబ్బ తగిలింది. 28 ఎమ్మెల్సీ స్థానాలకు జరిగిన ఉపఎన్నికల్లో కాంగ్రెస్‌ ఒక్క సీటు కూడా గెలవలేకపోయింది. దీనిపై ప్రధాని నరేంద్ర మోదీ కాంగ్రెస్‌పై వ్యంగ్యంగా స్పందించారు. తన కామెంట్ లో ఓ ఎమోజీని కూడా జత చేశారు.

నాలుగు రాష్ట్రాల్లోని మొత్తం 28 ఎమ్మెల్సీ స్థానాలకు ఉపఎన్నికలు జరిగాయి. ఇందులో కాంగ్రెస్‌ 12 స్థానాల్లో పోటీ చేసింది. గతంలో ఈ 12 స్థానాల్లో నాలుగు స్థానాలను కాంగ్రెస్‌ గెలుచుకుంది. అయితే ఈసారి ఒక్క స్థానాన్ని కూడా దక్కించుకోలేకపోయింది.

Also Read : ఆర్నబ్ తుఫాన్‌ : రైతులకు ఏపీ సర్కార్ భారీ సాయం.. ఎకరాకు రూ.75 వేలు!

కాంగ్రెస్‌కు ఎక్కువగా షాక్‌ ఇచ్చింది కర్ణాటక ఫలితాలే. రాష్ట్రంలో కాంగ్రెస్‌ అధికారంలో ఉన్నప్పటికీ ఎమ్మెల్సీ ఉపఎన్నికల్లో ఒక్క సీటును కూడా గెలవలేకపోయింది. దీంతో పార్టీ పరిస్థితిపై రాజకీయ వర్గాల్లో చర్చ మొదలైంది.

కాంగ్రెస్‌ ఘోర ఫలితాలపై ప్రధాని మోదీ స్పందిస్తూ.. పార్టీ ఖాతా తెరవలేకపోయిందంటూ వ్యంగ్యంగా వ్యాఖ్యలు చేశారు. కాంగ్రెస్‌ 12 స్థానాల్లో పోటీ చేసి ఒక్క సీటు కూడా గెలవకపోవడాన్ని ప్రస్తావిస్తూ మోదీ ఈ కామెంట్స్ చేశారు.

నాలుగు రాష్ట్రాల్లో జరిగిన ఎమ్మెల్సీ ఉపఎన్నికల్లో కాంగ్రెస్‌ పూర్తిగా ఖాళీ చేతులతో మిగిలిపోవడంపై ప్రధాని చేసిన ఈ వ్యాఖ్యలు ఇప్పుడు రాజకీయంగా చర్చనీయాంశంగా మారాయి.

Also Read : కర్ణాటక MLC ఎన్నికల్లో కాంగ్రెస్‌కు ఊహించని షాక్.. NDA క్లీన్ స్వీప్

Vamshi Krishna
కందారపు వంశీకృష్ణ ఏడేళ్లుగా జర్నలిజంలో ఉన్నారు. డిజిటల్ మీడియాలో ముందుగా HMTVలో రెండేళ్లు పనిచేశారు. అనంతరం TV5లో ఏడాది, V6లో రెండున్నరేళ్లు పనిచేశారు. తర్వాత పల్లవి టీవీలో చేరి అక్కడ 6 నెలలు పనిచేశారు. ప్రస్తుతం ఆర్టీవీలో ఏడాదిన్నరగా పనిచేస్తున్నారు. బ్రేకింగ్స్, పొలిటికల్, నేషనల్, స్పోర్ట్స్, సినిమా తదితర కేటగిరీల వార్తలు ఎక్కువగా రాస్తుంటారు.