
Aadarsha Kutumbam : విక్టరీ వెంకటేశ్ హీరోగా త్రివిక్రమ్ దర్శకత్వంలో తెరకెక్కుతున్న కొత్త చిత్రం ‘ఆదర్శ కుటుంబం – హౌస్ నెం.47’. శ్రీనిధి శెట్టి హీరోయిన్ గా నటిస్తోంది. సినిమా విడుదలకు ముందు ట్రైలర్ను మల్లారెడ్డి విశ్వవిద్యాలయం పీఠ్ కాలేజ్లో జరిగిన కార్యక్రమంలో విడుదల చేశారు. ట్రైలర్ను చూస్తే సినిమా కుటుంబ కథతో పాటు యాక్షన్ కూడా కలిపి ఉంటుందని అర్థమవుతోంది. కుటుంబంలో జరిగే కొన్ని సంఘటనలు, వాటి చుట్టూ సాగే యాక్షన్ సన్నివేశాలతో సినిమాను రూపొందించినట్లు ట్రైలర్ను చూస్తే తెలుస్తోంది. త్రివిక్రమ్ మార్క్ డైలాగ్స్, యాక్షన్ సీన్స్ బాగా ఆకట్టుకుంటున్నాయి. అయితే సినిమాలో ఎక్కువగా యాక్షన్ సీన్స్ ఉన్నట్లుగా చూపించారు.
ఇప్పటికే ఈ సినిమాపై వెంకటేశ్ అభిమానుల్లో ఆసక్తి ఉంది. పలుమార్లు వాయిదా పడిన తర్వాత అక్టోబరు 30న సినిమా థియేటర్లలోకి వస్తుండటంతో ప్రేక్షకులు కూడా విడుదల కోసం ఎదురుచూస్తున్నారు. థమన్ మ్యూజిక్ అందిస్తున్న ఈ సినిమాపై ప్రేక్షకుల్లో భారీ అంచనాలున్నాయి. నారా రోహిత్, రావు రమేష్, రఘబాబు, సత్య కీలక పాత్రల్లో నటిస్తున్నారు. హారిక హస్సిన్ క్రియేషన్స్ బ్యానర్ పై ఎస్. రాధా కృష్ణ భారీ బడ్జెట్ తో ఈ చిత్రాన్ని నిర్మించారు. ముందుగా ఈ సినిమాను అక్టోబర్ 02న రిలీజ్ చేయాలని అనుకున్నారు. ఆ తరువాత 09వ తేదీన రిలీజ్ చేయాలని భావించినప్పటికీ కుదర్లేదు. ఇక ఇప్పటికే రిలీజ్ చేసిన సాంగ్స్, టీజర్ సినిమాపైన మంచి ఇంట్రెస్టింగ్ క్రియేట్ చేశాయి.
Also Read : కోట్లలో సంపాదించే రాక్ స్టార్ అనిరుధ్ ఫస్ట్ రెమ్యూనరేషన్ ఎంతో తెలుసా?
Also Read : ‘DNK’ టీజర్ నవ్వులే నవ్వుల్.. ‘లిటిల్ హార్ట్స్’ మౌళి కామెడీ టైమింగ్ సూపరెహే..









