Shruti Haasan : నటి, సింగర్ శ్రుతి హాసన్ పెళ్లి, ప్రేమ, పిల్లల గురించి ఆసక్తికర వ్యాఖ్యలు చేసింది. ఒకప్పుడు తాను పెళ్లి చేసుకునే స్థాయికి కూడా వెళ్లానని, కానీ పెళ్లి అనే వ్యవస్థ తన జీవితంలో తప్పనిసరిగా ఉండాల్సిందేనని మాత్రం అనిపించదని చెప్పింది. నటి సోహా అలీ ఖాన్ నిర్వహిస్తున్న పాడ్‌కాస్ట్‌లో పాల్గొన్న శ్రుతి.. తన వ్యక్తిగత ఆలోచనలను పంచుకుంది.
తనకు జీవితంలో తోడు ఉండటం అంటే ఇష్టమని శ్రుతి చెప్పింది. అయితే సంప్రదాయ పద్ధతుల్లో ఒకే విధంగా జీవించాలనే ఆలోచన తనకు ఎప్పుడూ లేదని తెలిపింది. ఇద్దరు వ్యక్తుల మధ్య ఉండే అనుబంధమే తనకు ముఖ్యమని, పెళ్లికి సంబంధించిన చట్టపరమైన పత్రాలు అంత ముఖ్యంగా అనిపించవని చెప్పింది. తన భాగస్వామితో ప్రతిరోజూ ఒకరినొకరు ఎంచుకుంటూ ఉండటం తనకు నచ్చుతుందని శ్రుతి తెలిపింది. ఆ బంధం కేవలం పెళ్లి పత్రాల వల్ల కొనసాగాల్సిన అవసరం లేదని చెప్పింది.
Also Read : ఇంత విషం ఇవ్వండి చచ్చిపోతా.. జైల్లో వేధిస్తున్నారు : పవిత్రా గౌడ కన్నీళ్లు!
అయితే తాను ఒకప్పుడు పెళ్లికి చాలా దగ్గరగా వెళ్లానని శ్రుతి వెల్లడించింది. పెళ్లి చేసుకోవాల్సిన పరిస్థితి వచ్చినప్పుడు తనకు పెద్దగా భయం కూడా అనిపించలేదని చెప్పింది. కానీ పెళ్లిళ్ల కోసం భారీగా డబ్బులు ఖర్చు చేయడం మాత్రం తనకు నచ్చదని తెలిపింది. ఇంత పెద్ద మొత్తంలో డబ్బులు ఖర్చు చేసి వేడుకలు చేయడం ఎవరికి? దాని బదులు ఆ డబ్బును సేవా కార్యక్రమాలకు ఉపయోగిస్తే బాగుంటుందని శ్రుతి అభిప్రాయపడింది. ఇక తాను తల్లిగా మారాలని కోరుకుంటున్నట్లు కూడా శ్రుతి చెప్పింది. పిల్లలను దత్తత తీసుకోవడానికి తాను సిద్ధంగా ఉన్నానని, తల్లిగా ఉండటం తనకు చాలా ఇష్టమని తెలిపింది. అదే సమయంలో తనకు బయలాజికల్‌గా కూడా ఒక బిడ్డ ఉండాలని కోరుకుంటున్నట్లు చెప్పింది.
శ్రుతి హాసన్ గతంలో ఆర్టిస్ట్ శాంతను హజారికాతో రిలేషన్‌షిప్‌లో ఉంది. ఇద్దరూ కొన్నేళ్లు కలిసి ఉన్న తర్వాత 2024లో విడిపోయినట్లు వార్తలు వచ్చాయి. వ్యక్తిగత కారణాలతో ఇద్దరూ విడిపోయినట్లు అప్పట్లో కథనాలు వెలువడ్డాయి. ఆ తర్వాత శ్రుతి తనపై, తన పని, వ్యక్తిగత ఎదుగుదలపై దృష్టి పెట్టినట్లు పలు సందర్భాల్లో చెప్పింది. ఇక సినిమాల విషయానికి వస్తే.. శ్రుతి హాసన్ చివరిసారిగా 2025లో వచ్చిన కూలీ సినిమాలో కనిపించింది. రజనీకాంత్, నాగార్జున, సౌబిన్ షాహిర్, ఉపేంద్ర, సత్యరాజ్, రచిత రామ్ తదితరులతో కలిసి ఆమె నటించింది.
ఈ సినిమాలో అమీర్ ఖాన్ అతిథి పాత్రలో కనిపించగా, పూజా హెగ్డే ప్రత్యేక పాటలో సందడి చేసింది. ఈ సినిమా ప్రపంచవ్యాప్తంగా సుమారు రూ.518 కోట్ల వసూళ్లు సాధించినట్లు సమాచారం.
Also Read : ఇరుముడి ఎఫెక్ట్.. రాజామౌళి స్కెచ్ : వారణాసిలో అదిరిపోయే భక్తి పాట..
