AP Voters List :  ఏపీలో ప్రత్యేక సమగ్ర ఓటర్ల సవరణ ప్రక్రియకు సంబంధించి రాష్ట్ర ఎన్నికల సంఘం తాజా ముసాయిదా ఓటరు జాబితాను అధికారికంగా విడుదల చేసింది. రాష్ట్రవ్యాప్తంగా నిర్వహించిన ఈ ఎన్యుమరేషన్ ప్రక్రియకు ప్రజల నుంచి మంచి స్పందన లభించిందని ఎన్నికల సంఘం వెల్లడించింది.

Also Read : భారీ వర్షాలతో నదుల ఉగ్రరూపం.. భద్రాచలం వద్ద మొదటి ప్రమాదహెచ్చరిక జారీ

తాజా గణాంకాల ప్రకారం, రాష్ట్రంలో మొత్తం 3.71 కోట్ల మంది ఓటర్లకు సంబంధించిన ఎన్యుమరేషన్ ప్రక్రియ విజయవంతంగా పూర్తయినట్లు ఈసీ స్పష్టం చేసింది. ఇది మొత్తం ఓటర్లలో 89.22 శాతంగా ఉంది. అయితే, వివిధ కారణాల వల్ల ఇంకా 44,89,512 మంది ఓటర్ల నుంచి ఎన్యుమరేషన్ ఫారాలు అందలేదని ఎన్నికల సంఘం పేర్కొంది.

ఇదిలా ఉండగా, క్షేత్రస్థాయి పరిశీలనలో భాగంగా జాబితాలోని పలు అనర్హతలను, తప్పులను అధికారులు గుర్తించారు. దీనిలో భాగంగా రాష్ట్రంలో 15.22 లక్షల మంది ఓటర్లు మృతిచెందినట్లు గుర్తించి వారి పేర్లను జాబితా నుంచి తొలగించేందుకు చర్యలు చేపట్టారు. అలాగే, నివాసాలు మారినవారు, గైర్హాజరులో ఉన్నవారు కలిపి మొత్తం 22.30 లక్షల మంది ఓటర్లను గుర్తించారు. అంతేకాకుండా, ఒకే వ్యక్తికి ఒకటి కంటే ఎక్కువ చోట్ల ఓట్లు ఉన్నట్లుగా 7.37 లక్షల మందిని గుర్తించినట్లు ఈసీ వెల్లడించింది.

ముసాయిదా ఓటరు జాబితా విడుదలైన తరుణంలో, జాబితాపై అభ్యంతరాలు లేదా పేర్ల చేర్పులు, మార్పుల కోసం దరఖాస్తు చేసుకోవడానికి త్వరలో అవకాశం కల్పించనున్నారు. ఓటర్ల జాబితాను మరింత పారదర్శకంగా, కచ్చితంగా తీర్చిదిద్దడమే లక్ష్యంగా ఈ ప్రత్యేక సవరణ ప్రక్రియను ఎన్నికల సంఘం కొనసాగిస్తోంది.

Also Read : NTAలో భారీ ప్రక్షాళన.. 47 మంది అధికారుల ఉద్యోగాలు ఊస్ట్